ішкі істер министрлігінің шекараны қорғау құзіреті

Қазақстан Республикасының Ішкі істер министрлігі мен оның жүйесіндегі органдар өз құзіреті шегінде:

– Қазақстан Республикасы азаматтарының, шетел азаматтарының және азаматтығы жоқ адамдардың Қазақстан Республикасының Мемлекеттік шекарасынан өтуіне құқық беретін құжаттар және шетелдіктердің шекаралық өңірге келуіне құқық беретін рұқсат қағаздарды ресімдейді; шекара әскерлерімен бірлесе отырып шекара тәртібі ережелерінің сақталуын бақылауды жүзеге асырады; – Қазақстан Республикасының шекаралық аудандарындағы құқыққа қарсы анықталған іс-қимылдар, Қазақстан Республикасының Мемлекеттік шекарасы мен шекара әскерлері жөнінде құқыққа қарсы ниеттері бар қылмысты топтар мен адамдар туралы шекара әскерлеріне хабарлап отырады; – Қазақстан Республикасының Мемлекеттік шекараны күзету жөніндегі шараларын жүргізуде, шекарадан астыр-тын өту жөніндегі іс-әрекетке тыйым салу күресінде, Мемлекеттік шекара мен оның тәртібін бұзған адамдарды іздеуде, азаматтар жасаған құқық бұзушылықтың мән-жайларын анықтау мен тексеруде шекара әскерлеріне көмек көрсетеді; – дүлей апаттар, шекарада шекара бұзушыларды іздестіру, қарулы басып кіруге немесе өзге мемлекет азаматта-рының Қазақстан Республикасы аумағына жаппай өтуіне тойтарыс беру кезінде шекара әскерлерінің ұсынуы бойынша өз күшімен азаматтардың жекелеген жер өңірлеріне немесе Қазақстан Республикасының Мемлекеттік шекарасына жақын объектілеріне баруын уақытша шектейді немесе баруына тыйым салады; – Мемлекеттік шекарада және Қазақстанның шекаралық аудандарында мемлекеттік немесе халықаралық сипат-тағы қоғамдық-саяси шаралар жүргізілген кезде қоғамдық тәртіпті қамтамасыз етеді; – Қазақстан Республикасы шекаралық аудандарының тұрғындарына халықаралық құқықтық тәрбие беруге ат салысады, шекара әскерлерімен бірлесе отырып Қазақстан Республикасының Мемлекеттік шекарасында және ол арқылы өткізу пункттерінде құқық бұзудың алдын алуды жүзеге асырады; – Шекара әскерлерінің қауіпсіздігін қамтамасыз етуге қатысады.